اتمنى اللي عنده قصص عن الجن حدثت له في السنوات القديمة وخاصة قبل ظهور الكهرباء والسيارات ...يعني دعوة لشياب المنتدى يتفضلون معنا ...
انا باقول لكم قصة واعرف كثير منها مابيصدقوا بس وربي يشهد عليي اني صادقة مئة بالمئة .....
وكلمن قلنا له قال كذابين ...
هذا قبل 12 سنة كان اذكر علينا اختبارات واذكر احنا حتى بالخميس والجمعه لما يكون عندنا اختبارات ماكو طلعه ...المهم اذكر كانت ليلة الجمعه الساعه 12 قال ابويي شكلكم زهقانين قوموا نطلع وبالمرة نمر مطعم السفرة نشتري عشا ....المهم كنا انا واخوتي وخواتي وامي ...راح ابوي شرى عشا من السفرة....قام يلفلف بنا ...ابوي هوايته يلف بينا في القرى والزانيق المهم رحنا تاروت وصلنا الى هالقلعة المكان اللي مكتوب محظور المهم اذكر انه ابوي شاف سيارة حمراء ولحقها شاف بوابة مفتوحة وابوي يقول هنا ممنوع ماحد يدخل كيف هالسيارة طافت ..؟؟؟
المهم لحقنا السيارة فجاة اختفت السيارة من قدامنا بقدرة قادر كيف ماندري دخلنا داخل شفنا بيوت قديمة ....عفى عليها الدهر بس الغريب البيوت مافيها حياة ولاكانها البيوت فيها احد
...
المهم اذكر لما دخلنا الانوار كلها كانت مولعة لمبات قديمة ...خفنا من المكان بصراحة ...
المهم لما دخلنا مولعة
وقلنا لابوي خلاص اطلع مانبغى نلف هني ....كل اللمبات طفت لما رجع ريوس عود قدم الى قدام ولعت اللمبات عود ريوس طفت اللمبات ....امييييييييييييييي ...المهم شنو صار ....جينا نبغي نطلع الا التواير كلها منسمة ...ومافيه زجاج ولاشي ولاكانت مفشفشة ولاشي ....ياربي الحين وهقة وش نسوي ...المهم رجع ابويي شوي شوي يوم رجع الا شاف رجال لابس شماغ احمر ....وملثم وجهه وثوبه طويل جدا له ذيل احنا مانتبهنا للهقصة بس شفنا الوان وجه اخوي تغيرت وقال لنا طبعا احنا البنات ماقصرنا بغينا نموت ...انا اكبر وحدة في خواتي مت ....يأشر تعالوا من هنا ....هنا استدرك الوالد المسأله فيها جن ....قامت امي تقرى دعاء نادي عليا مظهر العجائب واحنا نقرا قران وطلعنا من هالمكان بسلام
....يوم قلنا للناس قالوا انتو مخرفين لو مجانين اصلا هالمكان مسكر من زمان ولا احد يدخل له ...يوم ثاني راح اخويي فعلا لقاه مسكر ....شنو تفسير اللي صار ؟؟؟
__________________
(اللهم صل على محمد وآل محمد )
الأربعاء يناير 22, 2014 9:34 am من طرف أم أويس
موضوع: سوالف الجن .....نبغى سوالف قديمة ... 